Skip to main content
Marsh logo

Қаржылық және кәсіби жауапкершілік

«Marsh» компаниясының қаржылық және кәсіби жауапкершілікті сақтандыру жөніндегі мамандары компанияңызды және қызметкерлеріңізді қорғауға көмектесетін, сіздерге бизнес жүргізуіңізге көңіл бөлуге мүмкіндік беретін шешімдер әзірлейді.
Бізбен байланысу

Қазіргі жаһандық ұйымдар бұрын-соңды болмаған көптеген қауіп-қатерлерге тап болуда: киберқауіпсіздік пен деректердің жайылып кету тәуекелдерінен бастап, саяси тұрақсыздыққа, нормативтік және құқықтық талаптардың тез өзгеруіне, бедел дағдарыстарына және тіпті ұйымдасқан қылмысқа дейін. 

Барлық осы тәуекелдерді өз бетіңізше жеңу қиын міндет болуы мүмкін. «Marsh» компаниясының қаржылық және кәсіби жауапкершілікті сақтандыру (FINPRO) бөлімшесінің мамандары сіздерге көмектесуге дайын. Біздің FINPRO кеңесшілеріміздің арнайы білімдері және осы салада үлкен тәжірибелері бар, сондықтан олар компанияңыз үшін тәуекелдерді анықтауға және басқаруға көмектесе алады. Marsh McLennan тобының басқа бөлімшелерімен ынтымақтаса отырып, біз ұйымыңыздың инновациялары мен өсуін қолдайтын және компанияңызды өсіп келе жатқан құқықтық және нормативтік тәуекелдерден қорғайтын кешенді шешімдерді ұсынамыз. Бұл шешімдер акционерлер үшін құндылықты арттыруға және тәуекелдерді басқару бағдарламасының мақсаттарына қол жеткізуге мүмкіндік береді.

«Marsh» компаниясының саладағы жетекші орны қызметкерлерді сақтандыру және тәуекелдерді басқару бойынша кеңес беру қызметтерінің жоғары сапасын қамтамасыз етеді. Біз компанияңыздың қандай тәуекелдерге тап болғанына қарамастан, бизнесті сенімді жүргізуге көмектесуге дайынбыз.

Жаһандық қауіп-қатер туралы есеп

2025 жылға және одан кейінгі кезеңге арналған негізгі қауіп-қатер. 900-ден астам жаһандық сарапшылар мен көшбасшылардың деректері мен аналитикалық материалдары.

Есепті зерттеу

Жалпы жиі қойылатын сұрақтар

Әрбір ұйым саланың түріне, компанияның көлеміне, еңбек ресурстарына және процестеріне қарай қаржылық және кәсіби жауапкершілікке байланысты ерекше тәуекелдерге тап болады, бірақ кейбір тәуекелдер аса жиі кездеседі. 

Қарқынды дамып келе жатқан технологиялар мен цифрлық мәліметтерге тәуелділіктің артуына байланысты бүкіл әлем бойынша деректердің жойқын жайылып кетуі және ең ірі компанияларға шабуылдар әдеттегі жағдайға айналып, киберқауіпсіздік тәуекелі көптеген салаларға әсер етеді. Киберқауіпсіздік жөніндегі мамандар мен көптеген компаниялардың басшылары туындаған тәуекелдерді белсенді түрде басқара алмайды және дағдарыстық жағдайларды шешуде реакциялық тәсілді қолдануға мәжбүр.

Қаржылық және кәсіби жауапкершілікке қатысты басқа тәуекелдерге лауазымдық өкілеттіктерді теріс пайдалану, күнделікті іс-әрекеттерді жүргізудегі және операцияларды жасаудағы қателіктер, қор нарықтарының құбылмалылығы, қатаңдау болып келе жатқан салалық стандарттарды сақтамау және жыныстық қудалау жағдайлары кіреді. Сонымен қатар қызметкерлерді құнын талап ету мақсатында ұрлау қатері өте жоғары. Барлық осы тәуекелдердің қаржылық салдарына қаржылық және кәсіби жауапкершілікті сақтандыру, тәуекелдерді басқару жоспарын енгізу, сондай-ақ сенімді кеңесшілердің қолдау қызметтері арқылы жол бермеуге болады.

Қазіргі заманғы ұйымдар көптеген тәуекелдерге тап болады, бұл қаржылық және кәсіби жауапкершілікті сақтандыру, сондай-ақ тәуекелдерді стратегиялық басқару жоспарларын қолдану қажеттілігіне әкеледі. Мұндай тәуекелдер көбінесе деректердің жайылып кетуі мен киберқауіпсіздікке, зияткерлік меншік құқықтарына және патенттік құқықтардың бұзылуына, жаһандық және жергілікті заңнаманы қолданудағы қиындықтарға, директорлар мен лауазымды тұлғалардың шешімдеріне немесе мінез-құлқына, кәсіби қызметтер көрсетуге, жалдау тәжірибесіне, бірігу және қосып алуларға байланысты. Компанияңызда тиісті сақтандыру және тәуекелдерді басқару стратегиялары болмаса, ол жеңу қиынға түсетін қаржылық және беделдік салдарға тап болуы мүмкін.

Біздің саладағы деректерге негізделген жетекші тәсілімізді қолдана отырып, FINPRO мамандары тәуекелдеріңізді бағалауға және талдауға көмектеседі. Біз сізге тәуекелдерді басқару бойынша дәлелді шешімдер қабылдай алып, бизнесіңіздің сыртқы әсерлерге тұрақтылығын арттыруыңыз үшін тәуекелдеріңізді төмендетуге және басқаруға көмектесеміз.

Сіздің нақты тәуекелдеріңізге бейімдеуге болатын қаржылық және кәсіби жауапкершілікті сақтандырудың түрлі полистері бар. 

Қаржылық және кәсіби жауапкершілікті сақтандырудың кең таралған түрі кәсіби немқұрайдылық немесе қателіктер мен жіберілген олқылықтар (КмЖО) үшін айыпталған жағдайда қорғауды қамтамасыз етеді. Кейде бұл қателіктер мен жіберілген олқылықтардан сақтандыру деп аталады. Көптеген ұйымдар осы сипаттамаға сәйкес келетін қаржылық және кәсіби жауапкершілікті сақтандырудың белгілі бір формасын пайдаланады. 

Қаржылық және кәсіби жауапкершілікті сақтандырудың басқа түрлеріне директорлар мен лауазымды тұлғалардың (ДмЛТ) жауапкершілігін сақтандыру, киберқауіпсіздік тәуекелдерін сақтандыру полистері, сондай-ақ құнын талап ету мақсатында ұрлау жағдайында қолдау көрсететін сақтандыру кіреді. Компанияңыз қызмет көрсететін секторға байланысты сақтандырудың мамандандырылған нұсқалары қолжетімді болуы мүмкін. 

Компанияңыздың қаржылық және кәсіби жауапкершілікке байланысты тәуекелдерді басқарудағы негізгі міндеті – олардың алдын алу. Бірінші кезең ұйымыңыздың нақты және ықтимал тәуекелдерін анықтауды және бағалауды қамтиды. Бұл міндеттер ішкі және сыртқы мүдделі тұлғалармен бірлескен талқылаулар, сондай-ақ компанияңыздың алдында тұрған тәуекелдерді бағалай алатын және бір қарағанда айқын емес тәуекелдерді анықтай алатын тәуекелдер бойынша тәжірибелі мамандармен өткізілетін консультациялар аясында тиімді шешіледі.

Ықтимал тәуекелдер анықталғаннан кейін құжат арқылы ресімделген тәуекелдерді басқару стратегиясын әзірлеу ұсынылады. Сіздің стратегияңызда әртүрлі тәуекелдердің алдын алу немесе оларды табыстау әдістері, сондай-ақ тәуекелдер туындаған жағдайда компанияның жауап беру тәсілдері егжей-тегжейлі сипатталуы керек. 

Басшылықтың жауапкершілігін сақтандыру адвокаттардың қызметтеріне, сот шешімдеріне немесе талап арыздарды реттеуге жұмсалған шығындардан туындаған қаржылық шығындарды қамтитын өтелімнің әртүрлі түрлерін көздейді. Сақтандырудың бұл түріне директорлар мен лауазымды тұлғалардың жауапкершілігін сақтандыру, еңбек қатынастарынан туындайтын жауапкершілікті сақтандыру (ЕҚЖ немесе ЕҚЖС), сондай-ақ фидуциарлық жауапкершілікті сақтандыру және қылмыс пен құнын талап ету мақсатында адам ұрлау жағдайларын сақтандыру кіреді. Оның көмегімен мемлекеттік, жеке және коммерциялық емес компаниялар күнделікті басқару қызметі нәтижесінде туындауы мүмкін әртүрлі құқықтық тәуекелдерді жеңе алады.

Сақтандырудың бұл түрі директорлар мен лауазымды тұлғаларды өздерінің басқару міндеттерін бұзғаны үшін айыпталған жағдайда қорғайды. Директорлар мен лауазымды тұлғаларды сақтандыру компания олардың шығындарын өтей алмаған немесе одан бас тартқан кезде, әсіресе маңызды болады, бұл әдетте туынды құралдарға немесе компанияның төлем қабілетсіздігі жағдайына байланысты сот процесінде орын алады. Директорлар мен лауазымды тұлғаларды сақтандыру, олар қызмет атқаратын компания кінәрат талаптарға байланысты не қандай да бір есеп айырысулар немесе сот шешімдері негізінде төлеуге жататын шығыстарын төлегісі келмесе немесе төлей алмаса, осындай директорлар мен лауазымды тұлғалардың жеке активтерін қорғайды.

Сатып алған кезде, директорлар мен лауазымды тұлғаларды сақтандыру, еңбек қатынастарынан туындайтын жауапкершілікті сақтандыру (ЕҚЖ немесе ЕҚЖС), фидуциарлық жауапкершілікті сақтандыру, киберсақтандыру, сондай-ақ қателіктер мен жіберілген олқылықтардан сақтандыру болуы мүмкін. Дегенмен сатып алудың нақты жағдайына байланысты оларды күшінде қалдыру, сақтандыру аясын кеңейту немесе полистің күшін жою керектігін анықтау үшін барлық қолданыстағы полистерді қайта қарау қажет.

Сіздің компанияңыз жаңа жеке ашық акционерлік қоғамды құру үшін еншілес ұйымды бөлуді қарастырса, қаржылық және кәсіби жауапкершілікті сақтандырудың екі маңызды санатын бағалау қажет: 1) еншілес кәсіпорын құрылғанға дейін болжалды заңсыз іс-әрекеттерге негізделген кінәрат-талаптар жағдайының өтелімі; және 2) еншілес кәсіпорын құрылғаннан кейін болжалды заңсыз іс-әрекеттер жағдайының өтелімі. Өтелімді транзакция туралы келісімге енгізілген жауапкершілік туралы ережелерге сәйкес бейімдеу қажет. Сонымен қатар жаңа заңды тұлғаны тұрақты негізде қорғау үшін, мысалы, жалдау тәжірибесі, фидуциарлық жауапкершілік, қылмыс жасау және құнын талап ету мақсатында адам ұрлау жағдайларын қамтитын өтелімнің басқа түрлері қажет болуы мүмкін.

Сенім білдірілген тұлға (немесе фидуциар) – бұл зейнетақы қорының басқарушысы сияқты инвестицияларды басқаратын тұлға. Фидуциарлық жауапкершілікті сақтандыру сенім білдірілген тұлғалар мен сенімді меншік иелерінің жеке активтерін қызметкерлерге немесе басқа инвесторларға жеңілдіктер беру қорының атынан қабылданған шешімдерге қатысты талап туындаған жағдайда адвокаттың қызметтеріне жұмсалатын шығындар мен айыппұлдардан қорғайды.

Еңбек қатынастарынан туындайтын жауапкершілікті сақтандыру жыныстық қудалау, кемсітушілік, жауап қайтару шараларын қолдану және жұмысқа орналасуға байланысты басқа да заңсыз әрекеттерге қатысты айыптауларға ден қоюға мүмкіндік береді. Мұндай айыптаулар бизнес үшін үлкен тәуекелді білдіреді, ал АҚШ соттарында және басқа юрисдикцияларда берілетін осындай айыптаулар бойынша келтірілген залалды өтеу мөлшері үнемі өсіп келеді. Еңбек қатынастарынан туындайтын жауапкершілікке қатысты сот талап арыздары ұйымға қаржылық қана емес, сонымен бірге беделдік нұқсан келтіруі мүмкін. 

Еңбек қатынастарынан туындайтын жауапкершілікке қатысты талаптар жеке өтініш берушінің немесе адамдар тобының атынан берілуі мүмкін компанияларға қатысты жиі кездесетін талаптардың бірі болып саналады. Осы саладағы компаниялардың тәуекелдері COVID-19 пандемиясының салдарынан жұмыстан босату және жұмысқа оралу туралы шешімдерге байланысты күрделене түседі.

Қателіктер мен жіберілген олқылықтардан сақтандыру көбінесе тиісті көңіл бөлінбейтін кәсіпорынды сақтандыру түрі болып келеді. Шын мәнінде қателіктер мен жіберілген олқылықтар − бұл кәсіби қызметтерді көрсеткен немесе көрсетпеген кезде жасалатын сенім білдірілген тұлғаның міндеттерін немесе басқа міндеттемелерді жаңылыстыратын немесе бұзатын нақты немесе болжалды әрекеттер, қателер немесе әрекетсіздік.

Келесі жағдайларда сізге қателіктер мен жіберілген олқылықтардан сақтандыру туралы ойлануыңыз керек: 

  • ақылы қызмет көрсетесіз, әсіресе технологиялар саласында;
  • орнату, біріктіру, қолдау, техникалық қызмет көрсету бойынша немесе ілеспе қызметтерді көрсетесіз;
  • компьютерлік бағдарламалық құралды, жабдықты, телекоммуникациялық өнімдерді және/немесе компоненттерді өндіруді, дистрибуциялауды немесе сатуды жүзеге асырасыз;
  • контентті жасайсыз, жариялайсыз, таратасыз немесе көпшілікке жаясыз (сіз оған ақы төлетуіңізге не төлетпеуіңізге қарамастан).

Бізбен сөйлесіңіз

Біздің жұмыс немесе тәуекел тақырыбы бойынша сарапшымен байланысу үшін, қандай да бір шешім туралы көбірек білгіңіз келсе, бізге хабарласыңыз немесе сатылымға/ұсыныс сұрауға сауалыңызды жіберіңіз.

Бізбен байланысыңыз